CEMMA, en colaboración co CESAM da Universidade de Aveiro, pon en marcha o proxecto ATLAS DIXITAL OSTEOLÓXICO-ADO, que ten como obxectivo dispoñer dun amplo atlas documental osteolóxico (ADO) dixital e público dos mamíferos mariños. Este traballo está dirixido polo Dr. Alfredo López Fernández, investigador auxiliar do departamento de Bioloxía da Universidade de Aveiro/CESAM. Financiado por fondos nacionais da República Portuguesa a través da FCT – Fundação para a Ciência e a Tecnologia , I.P., no ámbito da execución do contrato-programa previsto nos números 4, 5 e 6 do art. 23.º do D.L. n.º 57/2016, de 29 de agosto, modificado pola Lei n.º 57/2017, de 19 de xullo.

No ano 2024 a CEMMA recibiu unha axuda para o proxecto do Programa de axudas da Deputación da Coruña (DP0036) a entidades sen fins de lucro para o cofinanciamento de proxectos de investimentos no ámbito do medio ambiente. O obxectivo foi o de mellora técnica dos dispositivos de fotogrametría.